Mizo Elite News hi ṭha i tihzawng a nih chuan min lo Follow dawn nia

India Ramah Hmeichhe Naupang Chu Pawngsual Rawn a Nih Hnuah a Thi,Mipuite Lungawi Lovin Kawng Zawh

India ram a South West Delhi ah Dalit hmeichhe naupang kum 9 a upa chu an pawngsual rawn hnuah boral in a ruang hal zui a nih thu hriat a ni.

He hmeichhe naupang hi tui chawi turin Pathianni chawhnu lam ah khan an chenna in atang a chhuak chu a rawn haw mai lova, zawng turin an chhuak. Mahse crematorium a thawk pawi khawihtu nia hriat te chuan an chhungte hriatpui pawh ni lovin a ruang an lo hal thawt thawt. He thil thleng ah hian mipuite lungawi lovin kawng an zawh phah hial.

Protesters te chuan an fanu te dikna an duh thu puang in “Justice for India’s daughter.” placards keng chungin kawng an zawh a. Prime Minister Narendra Modi thlalak te pawh Protester te chuan kengin pawngsualna rapthlak thleng a ngawih a chuh tlat vangin an lungawi lo hle.

Pawngsual tu te hi mi 4 nia tarlan a nia, an zingah hian Hindu puithiam ngei pawh a tel bawk. Nunna chan ta hi Dalit a lo ni kher bawk a, Dalit te hi India ram ah chuan hnam hnuaihnung niin khawih thiang lo a ngaih an ni hial thin.

India ram ah kum tin pawngsual hi hriat tur a tam hle. Government data atang a a landan in 2019 ah ringawt pawngsual report 32,000 a awm a, 100,000 chuang kidnap a thleng bawk. Pawngsual thleng tam zawk hi chu social stigma bak ah police leh judicial authorities te chung a rinna an nghah ngam loh vang ten Report a ni thin lo.