Mizo Elite News hi ṭha i tihzawng a nih chuan min lo Follow dawn nia

India Rama Mi Nu Pakhat Chu A Chhung Ten A Vuina An Hman Atang Chawlhkar A Liam Hnuah Him Takin An Chenna Ah A Haw Leh

Rin leh awih harsa tak mai India ram ah thleng in Krishna District of Andhra Pradesh a Jaggaiahpet town ah chuan nu pakhat kum 75 a upa Girijamma chu a chhungten a ruang an vuiliam fel atang a chawlhkar hnih a liam hnu ah dam in an chenna hmun ah a kir leh.

Tualchhung media te tarlan dan in Muthyala Girijamma hi Covid19 a vei a ni tih an hriat veleh May 12 atang khan Vijayawada a Government General Hospital ah admit a ni a, damdawiin a dah luh a nih atang a ni 3 na May 15 khan a chhungte bulah a boral thu hrilh hriat a ni.

A pasal Gaddayya in damdawiin a a endik pawh in a mutna khum ah a lo awm tawh lo a, damdawiin staff chuan ward dangah sawn a nih thu in a hrilh. Mahse ward zawng zawng a fan vek pawn a nupui chu a hmu zo ta reng reng lo mai. A tawpah chuan a nupui chu mitthi dahna ah a awm a ni tih a hre ta chauh.

Mitthi dahna hmun a thlen phei chuan a nupui ruang ang tak chu a hmu ngei mai bawk a, hri inkaichhawn a awlsam avangin ruang pawh chu tha taka tuam in a nupui a ni ngei tih finfiahna pawh awm lovin in lamah an la a, a vuina hun an hmang.

May 23 khan an fapa Ramesh pawh Covid vangin a lo boral nghe nghe. Chutia thawk leh khata a nupui leh a fate a chan thut chu tuarthiam har tak tur a ni.

Amaherawh chu a nupui Girijamma hi thi lovin damdawiin ah nungdam in alo awm reng a, vuina hun hman fel vek atang chawlhkar 2 a liam ah amahin an chenna hmun ah chuan a kir leh. A hmangaih em em a nupui ngei nungdam a a hmu leh chu Gaddayya pawh hian mak a ti a, urhsun taka a nupui emaw tia a lo vuiliam tak chu mitthi ruang dang lek a lo ni ta zawk.

Girijamma chuan amah lam tura tumah an kal loh vangin a hrilh hai hle tih a sawi a, chuvang in amahin in lamah a kir ta a ni a ti. Damdawiin atang a haw na tur senso atan fund ah Rs 3,000 a hmang tih a sawi bawk. A pasal Girijamma chuan an fapa boral hnu ah a mit ngeiin thil mak a hmu leh ta tih a sawi hial.