Mizo Elite News hi ṭha i tihzawng a nih chuan min lo Follow dawn nia

India Rama Christian Sakhaw Vuantu Te Chuan Christmas Laiin Buaina An Tawk

Christian te hun pawimawh ber Christmas bawr chho ah khan India ram hmun thenkhat a cheng te chuan sakhaw vuantu dang atangin beihna an tawk a, harsatna thlensak an nih thu hriat ani.

India ram ah hian sakhaw vuan tu hrang hrang awmkhawm in, heng zingah hian Christian te chuan Hindu sakhua leh sakhaw dang dang atangin beihna an lo tawk fo thin.

Christmas chawlhkar khan Haryana’s Ambala a Holy Redeemer Church luhna bul lawka Isua lim an dah chu vuak chhiat ani. Holy Redeemer Church a an puipa ber chuan thil thlen hun hi a ni chiah chiang taka hriat theih a nilo a ti a. Biakin hi 1843 a sak niin heng anga khawih chhiat hi Ambala biakin ah hian tunhma in hriat ala ni ngailo.

Hrileng mek vangin biakin hi khar a ni a, misual tu tih hriat loh te hi bang ah lawn liam in Isua lim lian tak an dah chu an tichhe zui ta ani. Isua lim an tihchhiat hnu ah hian an tlanbo nghal a. Police te chuan misual te hi man tum in an la veh mek.

Hetih lai mek hian Pataudi ah pawh Christmas hma lawk khan tawngtai a hun hmang Christian thenkhat chu mipa rual ten luhchilh in buaina an thlen tih an sawi a, heng mite hi Hindu sakhua an ni. Christian te chu sakhaw inlehna a sakhaw dang vuantu te thlem leh nawrluih ching tak angin an puh ani.