Mizo Elite News hi ṭha i tihzawng a nih chuan min lo Follow dawn nia

India Ram Thingtlang Kilkhawr Ah Chuan Damdawiin Awm Loh Vangin Thingkung Hnuaiah Te An Mu Tawp Hlawm

India ram chu hriat theuh angin Covid second wave in na takin a nuai mek a, hmun thenkhat ah phei chuan in enkawlna tur tha a awm loh vangin an mahni rem hriat dan ang angin an inbuaipui deuh ringawt tawh.

Uttar Pradesh a thingtlang kilkhawr pawh hripui Covid hian a rûn nasa hle tih hriat a ni a, damdawi in pan tur mai a awm lohna hmuh a lo ni nen hrivei nia ngaih te chu thingkung hnuai ah khum ah te mu in thing ah te chuan glucose drips an inkhai a ni.

An bul hnaiah bawng te nen an khawsa ho a, syringes leh damdawi an hmanna ruak thenkhat te lei ah an paih hmuh tur a tam.Mewla Gopalgarh khua hi a tuar langsar pawl an ni.

An awmna hi Delhi atang minute 90 lai tlan a ni a, doctor leh health facility a awm lo. An hnaih a awm government hospital ah lah khum ruak a awm thei meuh lo a, khaw mite hian private clinics panna turin an sum neih ten a tlin lo nen an rem hriat dan anga in enkawl in an lo sepui ruah do tlawk tlawk.

Covid19 vei anga awm symptom langchhuak te chu open-air clinic an siam ah chuan enkawl an ni mai a,glucose leh damdawi dang an neih ang ang te an sem ve bawk. Mi thenkhat te rindan chuan neem kung (tree) hnuai a mut hian oxygen levels a sang niin an ngai a, mahse hei hi scientific taka fiahna a awmlo thung.

“Thawchham a an awm a piangin an oxygen levels a san theih nan thingkung hnuai panpui vat an ni thin” tiin Sanjay Singh chuan a sawi a,Sanjay Singh hi ni 2 liam ta ah khan a pa in khawsik sang tak neiin a boralsan. Medical facility tlakchham vangin a pa pawh hi engmah test neih a ni lo a, Covid a kai nge kailo tih pawh hriat a nilo.

“Thudik chu khua ah hian COVID-19 testing neihna mai tur a awm lo a ni” tiin khua a headman thin Yogesh Talan chuan a sawi a, hri laka an him theih nan an theihtawp chhuah mah se, a harsat hle thu a sawi.