Mizo Elite News hi ṭha i tihzawng a nih chuan min lo Follow dawn nia

India Ram Thingtlang Khaw Pakhat Chhungkaw 75 Chenna Ah Chuan In Tinah Officer An Kawl Vek

Mi fate hi zawng an lo thei khawp mai. India ram thingtlang khua pakhat chengker ve tak atang chuan chhungkaw tinin Officer an kawl theuh hlawm nia a hriat a ni.

He khua hi UP a Jaunpur district a awm Madhopatti khua a ni a, thingtlang khua ve mai ni mahse an neu lo hle. Chhungkaw 75 khawsa zing ah In tin atang hian IAS/PCS cadre an nei deuh vek.

Union Public Service Commission (UPSC) in a buatsaih thin Civil Services Exam (CSE) hi khawvel ah pawh exam harsa ber tia sawi thin a nia, tlin pawh a har khawp mai. Thiamna piahlam ah vanneih a ngai tel bawk.

India ram ah chuan Uttar Pradesh hi state dang zawng aiin Civil Officers tling an ngah ber thin a, he thingtlang khua Madhopatti pawh hi ‘Officer’s Village of India’ tia hriat a ni.

Lehkhabu pawh a kawm ringawt atang a teh tur a ni lo an tih ang deuh in ‘Officer’s Village of India’ tia hriat an nih bakah ‘Village Of Jawans’ tih a ni thin bawk a, chhungtin atang pakhat zel hi Army an nih thu an sawi.

Jaunpur’s Madhopatti village hi civil services kawng ah hian a mi chengte an tui hrim hrim a, thangthar chhuak zingah pawh Indian Space Research Organisation (ISRO) leh Bhabha Atomic Research Centre (BARC) ah te Career hlawhtling an nei chho mek zel. He khua atang vek hian thisen zawm unau 4 te chu IAS ah an lo tling thawt tawh bawk a ni.

Heng mi ropui tak tak te chawrchhuahna hi a tlawm na a, mahse an beidawng hauh lo. Khua ah hian medical facilities leh electric supply duh angin a changtlung lo a, IAS kawngzawh te tan coaching centre pawh a awm lo a ni. India hnampa Mahatma Gandhi an “India lives in its villages” tia a sawi hi Madhopatti khaw mite hian an rawn fiah chiang hle. An khua in tlakchham a neih tam tak karah an thahnemna leh taihmakna vangin tun hi an thleng thei.