Mizo Elite News hi ṭha i tihzawng a nih chuan min lo Follow dawn nia

India Ram Atanga US Pan Passenger Bag Chhunga An Thil Hmuh Zet Kha

India ram nge nge hi chu khawvel ram dang te nen khaikhin chuan kan lo bawn ru zek mai. Airport ah passenger ten dan phalloh thil an ken tel man fo a lo ni tawh thin a, hei zet erawh chu a hlauhawm aiin zahthlak lamah a kal.

Air India flight a chuang Indian khualzin pakhat chu US a panna ah a zin bag luggage chhungah thil danglam tak a lo dah a. Washington Dulles International Airport ah chuan luggage hi hnuchhiah a ni.

Luggage chhung atang hian thil rimchhe tak chhuak a awm a, Authorities ten luggage an hawn nak chuan Bawng Ek (cow dung) alo awmkhawm rui mai a ni. US Customs and Border Protection lam te chuan khualzin bag a an thil hmuh hi an rawn puang.

Bawng ek chawk luh hi US ah hian khap a ni a, a chhan chu bawng ek hi hriselna atan a that loh bakah Foot and Mouth disease a thlen thei niin an sawi. Chu lo ah Airport meuh a ken atan chuan a tih chi viau loh.

A nei tu hian a bag lam hi a inthlahrung ve ni ngei turin Luggage hi tumah in ka ta a ni e tiin an lam zui leh lo. US Customs and Border Protection (CBP) te chuan he Luggage hi an thehthang ta ringawt.

Bawng ek hi kawng hrang hrang ah thil tangkai tak tak thlen tu a ni a, skin detoxifier, antimicrobial leh fertilizer atan a tha. Mahsela a awmna hmun lo turah chuan thil tenawm tak a ni lawi si a ni.