Mizo Elite News hi ṭha i tihzawng a nih chuan min lo Follow dawn nia

India – Pakistan inthen hran lai a unau inhloh tawh te chu kum 74 hnuah mittui nen an inhmu

Muhammad Siddique leh Habib alias Shela te unau hi kum 80 bawr vela upa an ni tawh. 1947 partition thleng a British India te independent regions pahnih India leh Pakistan a then hran a nih khan inhloh in, rei fe an inhmu tawh lo.

Kum 74 zet an inthen hran tawh hnu ah mittui tla chungin an inhmu leh chauh. Muhammad Siddique leh Habib alias Shela hi tunhnai lawk khan Kartarpur, Pakistan ah an intawng a, tualchhung media te tarlan danin Habib hi Phullanwal area of the Indian Punjab atang a unaupa Saddiq hmu tur hian a kal vang vang. Saddiq hi Faisalabad, Pakistan ah a cheng thung ani.

1947 a India leh Pakistan te thenhran a nih khan chhungkua leh thian inhmangaih tak tak mi eng emaw zat a pawt then nual a. Mihring 20million bawr ten an awmhmun chhuahsanin human history a migration a san ber tum ani hial nghe nghe. Hemi atang hian India leh Pakistan ah visa neih a har talh tawh a, intlawhpawh zung zung theih anilo. Mahse 2019 khan visa-free border hi ram 2 te ah an hawng.

Hlim leh lawm taka an inhmu chu an inkuah a, tap lo turin inhnem tawn mahse an mittui an dang zo hleithei meuh lo. Habib chuan a chhungte nen an inhmuh theihna hun siam sak tu Kartarpur Corridor te chungah lawmthu a sawi hial. 1947 partition a thlen khan Habib hi Indian side ah a seilian a, Saddiq hi Pakistani side ah a cheng thung.