Mizo Elite News hi ṭha i tihzawng a nih chuan min lo Follow dawn nia

India Nu Sal Anga Kum 8 Khungtu Melbourne Nupa Te Chu Thiamloh Chantir An Ni

Melbourne nupa tuak te chuan Indian hmeichhia pakhat chu an chenna in ah ngei sal/bawih ang a kum 8 chhung teh meuh an hreng bet tih hriat a ni.

Kumuthini Kannan, 53 leh a pasal Kandasamy, 57 te hian an fate 3 enkawl tur in Mount Waverley ah he Tamil nu khawngaihthlak hi sal angin an awm tir a. 2007 atang 2015 thleng sal ang in hun alo hmang.

Tourist visa in ni 30 chhung atan Australia ah hian a lut a, mahse Kumuthini Kannan te hian tihluihna hmangin ei rawng bawltur leh in chhung tifai tur bakah an fate enkawl turin an tia, nikhat ah $3.39 in an chhawr.

Kumunthini hian hrehawm tak in a siam a, a vuak bakah tuiso hmang ten an leih a, a hmai ah thingpu sa ten a theh bawk. July 2015 khan he hmeichhe lainatawm tak hi a awmna atang chhanchhuah a ni a, kg 40 chauh a rit niin zun leh ek nen a lo inchiah piah nuai a ni.

Taksa ah harsatna hrang hrang a tawk a, diabetes leh septicaemia te neiin a temperature pawh 28.5C ah a tlahniam. Tin, a ha pawh a lo bal hle a ni.

Kumuthini Kannan leh Kandasamy te nupa hi Nilaini khan Supreme Court of Victoria ah an chungthu ngaihtuah in Kumuthini Kannan hi kum 8 tang tur leh Kandasamy Kannan hi kum 6 tang turin hrem an ni.