Mizo Elite News hi ṭha i tihzawng a nih chuan min lo Follow dawn nia

India Mipuite Mit Fukna Ber Neeraj Chopra, India Tan Gold Medal A Khawhchhuak

Tokyo Olympic ah India tan thil lawmawm a thleng a, Haryana tlangval kum 23 mi Neeraj Chopra chuan Men’s Javelin Throw ah Gold Medal khawhchhuak in India zinga Olympic a Gold la hmasa ber a ni.

Neeraj Chopra hian 87.58m zet a thui khawh in khum thei tu dang reng an awm lo. Gold Medal a lak rual hian India tan Record a siam nghal a, Olympic athletics a India Gold Medal la hmasa ber leh individual ah pahnihna a ni.

2008 Beijing Games ah khan shooter Abhinav Bindra chuan Gold Medal a lo la tawh a ni. A pum pui in Neeraj hian ram tan Medal 7 alo la tawh bawk.

Heti hian India in kum in Olympic ah Medal 7 lai Gold 1, Silver 2 leh Bronze 4 a la ve ta chiah a, Olympic a Medal a dawn hnem ber tum a ni dawn.

Neeraj Chopra hi Khandra khua a cheng leh khawsa a nia,a pa hi kuthnathawk leh lo nei a eizawng ve mai a ni bawk. Amah hi Indian Army ah Subedar chelh lai mek a ni.