Mizo Elite News hi ṭha i tihzawng a nih chuan min lo Follow dawn nia

India Lockdown Laia Naupiang Phir Te Chu An Hmingah Corona Leh Covid

India rama Lockdown kalpui a nih laia nau piang phir te chu Corona leh Covid tiin a nu leh pa ten a hming an sa niin local reports chuan a tarlang.

Nau piang phir te hi March 27 khan Dr BR Ambedkar Memorial Hospital ah an pian thu Indian news outlet NDTV chuan a sawi.

Naute nu leh pa te hi Chhattisgarh a mi Preeti leh Vinay Verma te an ni a, he hming an sak chhan chu kan tunlai boruak mek chhinchhiahna atan a ni awm e.

Naute nu Preeti Verma chuan “Nau ka hrin dawn in harsatna neuh neuh kan hmachhawn a ka pasal nen hriatreng atan chhinchhiah kan duh” tiin a sawi.

Naute te hi a mipa zawk Corona an ti a, a hmeichhia zawk chu Covid tiin an ko. Phir bak ah hian fanu kum 2 mi an lo nei tawh bawk a, nau an neih hun hi Lockdown a nih vangin harsa tak in Hospital hi an thleng thei hram a ni.

Corona leh Covid’ nu leh pa te chuan an hming hi pu hlen lovin nakin ah an thlak leh thut maitheih thu an sawi bawk. Nu leh naute te hi an dinhmun a ṭha vek a, Hospital aṭang chhuah an ni tawh bawk.

DM