Mizo Elite News hi ṭha i tihzawng a nih chuan min lo Follow dawn nia

India Leh US Inkar A Ṭha, Trump An India Tan Ventilator Thawn A Tum

US President Donald Trump chuan China nena an inzawmna chhut chah a duh tih a sawi nuah nuah mek laiin India nen erawh inzawmna nghet tak an la nei zel a, ṭhian ṭha tak an ni.

Pu Trump a chuan India hnen ah hian hripui laka a chhawmdawl ve theihna tur ngaihtuahin Ventilator a thawn tur thu a puang.

“United State chuan kan ṭhian India hnenah ventilator kan pe ang” tiin Twitter ah a rawn tweet ta. Tun dinhmun ah hian US leh India te chuan hrui khat vuan in he hmelma hmuh theih loh beihna kawngah hian an ṭang tlat a ti, hei bakah vaccine development lamah pawh kan thawk dun e tiin a sawi bawk.

PM, Narendra Modi pawh in Pu Trump hi a chhang let ve nghal a, lawmthu hrilhin tun hun ah hian ram thawhdun chu thil pawimawh ber a nih thu a tarlang zui ve a ni.

Thla liam ta ah India hian US tan COVID-19 treatment ah 50 million hydroxychloroquine tablets a thawnchhuak a, hei hian Pu Trump hi a ti lawm hle. India chu ṭhian rinawm a nih zia a hrechiang a, tuna Ventilator thawn pawh hi a lawmthu sawi let na in a ngaihtheih awm e.

India ram hi tunah hian 85,940 lai Confirm Case awm tawh in, hripui chhuahna China kan khum der tawh a ni.

NDTV