Mizo Elite News hi ṭha i tihzawng a nih chuan min lo Follow dawn nia

Indah Hran Duh Lova Midang 11 Lai Covid19 A Kai Tir Vangin Kum 15 Thleng Jail Tang Thei Dinhmun Ah Ding

Kum 24 mi Eric Torales chu dan siam zawm duh lova midang te Covid19 a kaichhawn a vangin Jail tang thei dinhmun ah a ding mek.

Eric Torales hi March 13 khan United State aṭang Buenos Aires city of Moreno ah a kir a. Argentina lam in quarantine law a siam chu zawm duh lovin a inkhung duh lo.

US aṭanga a kir hnu a tuk March 14 chuan Buenos Aires a an chhungkaw laina hnai Birthday Party buatsaih ah a kal leh nghal. Birthday Party ah hian mi 100 bawr vel an pungkhawm.

Party neih aṭanga ni 5 na ah chuan Eric chuan a thawk lam ah harsatna a tawk a, in enfiahna neih a nih hnu chuan Covid19 chu a lo Positive reng a ni.

US aṭanga a haw hnu a Party a neihpui zinga mi 11 te pawh chu Covid19 hi a kai hman a, kai zingah hian kum 15 mi leh kum upa lam kum 79 leh 76 te pawh an tel. Midang 20 vel te pawh an dinhmun a la ngaih ṭhat thlak chuang lo.

Quarantine law a pal zut vangin Eric hi kum 15 thleng Jail tang thei dinhmun ah a ding a, Hospital aṭang hian chhuah tawh niin medical appointments ah lo chuan in a chhuah phal a ni tawh lo.

DM & Mirror