Mizo Elite News hi ṭha i tihzawng a nih chuan min lo Follow dawn nia

IAF Mi 17 Chesual Ah CDS Bipin Rawat Leh A Nupui Bakah Midang 11 Ten Nunna An Chan

Vawiin Nilaini (December 8) khan vanduaina rapthlak zet India in tawng in IAF Helicopter a chesual. Thlawhna a chuang Chief of Defence Staff (CDS), General Bipin Rawat leh midang 12 te chu an chanchin chiang hriat theih a nih lawk loh hnu ah an boral tih puanchian a ni ta.

Chief of Defence Staff (CDS),General Bipin Rawat te chuanna hi IAF Mi 17 V5 a ni a, Wellington a Defence Services Staff College tlawh tura an chhuak a ni.Tamil Nadu a Coonor, Nilgiris district bulah chesual in thlawhna hi a tla a ni. General Bipin Rawat bakah hian a nupui Mrs Madhulika Rawat leh Crew dang te nen an chuang.

Indian Air Force chuan vanduaina thlen tirh hian thlawhna a chuang zingah thi leh dam zat an puang thei lawk lo. Mahse a hnu lawk ah Twitter kaltlangin Gen Bipin Rawat, Mrs Madhulika Rawat leh midang 11 te boral thu hi an puangzar ta a ni.

Gen Bipin Rawat te chetsualna hian India ram a dengchhuak rang hle. India mipui te an rum a, ram hruaitu te in be rawn nghal in Cabinet Meeting ko nghal a ni.IAF Mi 17 V5 a chuang zingah hian pakhat chauh a thi lo.

Gen Rawat hi India CDS hmasa ber a ni a, he dinhmun leh nihna hi December 2019 atangin a chelh tan. Politicians atang cricketers leh Bollywood celebrities chenin Social Media ah sunna leh an ui zia an tarlang chuah chuah.