Mizo Elite News hi ṭha i tihzawng a nih chuan min lo Follow dawn nia

IAF Chopper Chesuala Dam Awmchhun Group Captain A Boral Ve Leh

India ram mipui ten damchhuak tura atan an tawngtai na chu chhan in a awm ta lo. Kar kalta mai a Tamil Nadu a IAF helicopter chetsualna thleng a dam awmchhun Group Captain Varun Singh chu vanduaithlak takin vawiin Dec 15 khan a boral ve leh tih hriat ani.

Nilaini ah Indian Air Force chuan Twitter kaltlanga thuchhuah siamin Captain Singh hi Bengaluru a Command Hospital ah enkawlna a dawn mek laiin a hliam tuar chhuak zo lova a boral tak thu hi an tarlang.

“IAF ten he thu puanzar a ngai leh ta hi a pawi kan ti a, tukin zing khan Group Captain Varun Singh chuan a hliam tuar chhuak zo lovin min kalsan!” ti a puang in, Varun Singh an a kalsan tak a chhungte chu he hun khirh tak an tawn mek ah an tawrhpui zia an sawi bawk ani.

December 8 a chetsualna a thlen hnu khan Captain Singh hi Bengaluru a Command Hospital ah enkawl nghal a ni a, accident ah hian a taksa 80% zet a kang (burn) chhia. Doctor in a dinhmun thlirin ngaihtuahawm tak a nih thu alo sawi bawk.

Helicopter hi Coonoor hnaih lawk a chesual a ni a, Mi-17V5 ah hian Chief of Defence Staff Gen Bipin Rawat leh a nupui Madhulika tiamin mi 14 an chuang. Accident ah hian Group Captain Singh tih loh midang zawng chu ka pawh chhawn hman lohin an boral vek ani.