Mizo Elite News hi ṭha i tihzawng a nih chuan min lo Follow dawn nia

Hyderabad Pa In Zirlai Rethei Leh Harsa Mi 2 Hnenah Online Class Zawmna Turin TV A Pe

Chhungkaw khawsak harsa ve te te te tan chuan Online Class hi thil awlsam tak a nilo. Class zawm chak ngawih ngawih mahsela harsatna vanga zawm theilo hi engzat chiah nge la awm ang.

Hyderabad a cheng chuan zirlai pahnih chhungkaw khawsak harsa leh rethei ve tak te hnen ah Online Class an zawm theihna turin TV a lo pe.

Heng zirlai pahnih te hi Peddapalli district a Kodurupaka village a mite an ni. An hming Donda Sowmya leh Donda Meghna niin Nittur Zilla Parishad High School ah Class VII leh VIII an zir mek.

Hri leng vanga Online Class neih a ngaih vangin harsatna an tawk. State government in TSAT network kaltlanga online classes broadcast chu a zawmna tur an neilo. An chhungkua hi di in ang chi thatched hut ah an cheng a,smart phone emaw TV pawh an neilo.

An zirlaipui dangte chenna in ah an kal hleithei silo. Mahsela an zirtirtu te chuan an harsatna tawh chu hriatsakin ṭanpui dan kawng an ngaihtuah.

Maths teacher T Tirupathi Rao leh Headmaster M Laxminarayana te chuan philanthropist leh Hyderabad resident Joginipalli Srinivas Rao chu bia in thil thleng an hrilh hnuah puihna an dil sak.Joginipalli Srinivas Rao hian zangkhai taka an harsatna te lo ngaihthlak sak in he zirlai te hnen ah hian Online a lehkha an zir theih nan TV a pe ta a ni.

School staff te chuan Zirtawpni khan zirlai hnenah hian TV hi an hlan fel a. Sowmya, Meghna leh an chhungte dang pawh Online class zawm thei tura an puihna ah Srinivas Rao leh zirtirtu te chungah hian an lawm hle.

Indian Express