Mizo Elite News hi ṭha i tihzawng a nih chuan min lo Follow dawn nia

Hyderabad Pa In Tuilian Vangin A Chhungte 8 A Chan A, Mi 4 Thi In 4 Dang Hmuh An La Nilo

A vanduaiin a hrilhhaithlak duh khawp ang. Hyderabad a Ali Nagar a cheng pa pakhat kum 60 mi Mohammed Abdul Tahir Qureshi chuan a mit hmuh lai reng a tuilian in a len tak a laichin te chanchinthar lawmawm beisei in tunah hun a hmang mek.

Qureshi hi an chhungkaw member 9 zinga dam awmchhun a ni rih a, tuilian in a chhungte a len bo sak tak te hi zawn mek zel la niin he thil thlen hun hi Thawhleh zan khan a ni.

Zanlai ah an chenna in chu tuilian hian a rawn nuai a, thawm an hriat hnu ah thochhuakin kailawn a an ding chu tuilian chak tak hian a rawn man zui ta a ni awm e.

Qureshi pawh hi tuilian hian a lenpui teuh hle. A unaupa Saddam chuan a chhanchhuak a, mahse Saddam hi amah a inchhan hman ve lo.

A chhungte chanchinthar hriat theih chin ah thu lawmawm lam a la awm thei lo. A chhungte an la hmuh theih chhun chu an thi vek rih. Mi 4 hmuh tawh an ni a, mahsela nungdam an la awm lo. Authorities ten Mohammed Abdul Taher Qureshi tunu Amera,kum 8, daughters-in-law- 3 Farzana Tabassum, Dharaksha Qureshi leh Humera te thi in an hmu tawh, an ruang hi Falaknuma area hnaih a hmuh an ni.

A unaupa Saddam,55, nephew 2 Mohammed Abdul Wajeed Qureshi,Mohammed Abdul Wasay Qureshi leh a tupa kum 5 upa Abdul Wahab te chu an la bo a zawn mek a la ni.

Mohammed Abdul Taher Qureshi hian a chhungte dang 4 la hmuh loh aṭang hian chanchim lawmawm a beisei a, thil mak thleng a damchhuak an awm theih nan a ṭawngṭai bawk.

Ruah sur nasa tak leh tuilian avang hian Telangana Government chuan mi 50 laiin nunna an chan tawh tih a tarlang.

Indiatimes, IndiaToday