Mizo Elite News hi ṭha i tihzawng a nih chuan min lo Follow dawn nia

Hun Rei Tak A Hloh Tawh A Pasal Chu TikTok Video Kaltlang In A Hmuchhuak Leh

Rei tak chhung chu a pasal nen hian inhmu tawh lovin a bo a, a awmna chin pawh a hre tawh lo. Vanneihthlak tak in Tiktok kaltlangin a pasal alo zawn fo thin chu a hmuchhuak leh.

Vietnam nu pakhat hian a pasal bo zawng hian kum 11 reng reng hun a lo hmang tawh. A theih dan kawng kawng in hmun tin reng a hriat a piang a dap kual chung pawn a pasal hi a hmu zo chuang lo.

A beidawn hial tawh hnu ah nikhat chu Tiktok video ah a pasal niawm tak chu a hmu ta hlawl. He Tiktok user hian an thenawm hnaih a awm thin mipa pakhat chu a chhungte zawn hmuh sak tumin a video a lo thehdarh a lo ni.

Video post tu hian kum 10 chhung an awmna bul hnai ah a khawsak tawh thu a sawi a, a landan atang chuan rilru lama chian lohna nei a an thu a sawi bawk.

Tiktok user chu be pawp in a pasal rei tak bo tawh a nih leh nih loh a zawt ta rawih a,a pasal bo ta kha chuan a awm (chest) ah tattoo a neih thu a hrilh, an en fiah chuan tattoo a sawi ang chu a lo nei ngei a ni. Heta tang hian a pasal dik tak a ni tih an hrechhuak thei ta a ni.

Thangkhat lian zet a liam hnu a a pasal bo nen an inhmuh leh theihna tura remchang ngaihtuahsak tu Tiktok user hnen ah hian lawmthu a sawi mawlh mawlh.