Mizo Elite News hi ṭha i tihzawng a nih chuan min lo Follow dawn nia

Hubei A Thla Hnih Lai Chhun Leh Zana Covid19 Vei Damlo A Enkawl Vangin A Boral, A Pasal Nen Pawh Inthlahna Thei Lo

Medical lam te hi an chhuanawm tak zet hlawm. Nunna thap tak meuh meuh in damlo an enkawl a, chawlh hahdam na hun tak ngial pawh an nei thei lo.

Chinese nurse pakhat Zhang Jingjing, 32 chu coronavirus epidemic, Hubei ah ni 56 zet hna a thawk a, Shandong a let hnu ah hospital ah cardiac arrest in a boral zui.

January 26 khan Shandong Province hian first medical team a tirchhuak a, hetah hian a tel ve. Qilu Hospital ah Nurse hna a thawk ṭhin a, Hubei lam an pan hnu hian chhun leh zan pawh sawi thei lovin hna an thawk nghal chawt. March 21 khan Hubei hi an chhuahsan a. Camera a thlalak leh video an neih ah pawh Ms Zhang hian a kut vai in a la ṭha viau.

Ni 14 chhung an inkhunghrang a, an hnathawhna hi Huanggang city of Hubei ah a ni. Quarantine lai hian vawi thum test neiin ala negative vek. Inkhunghranna a neih zawh tuk April 5 khan heart attack a tuar a, The Shandong hospital chuan a boral thu hi a hnu lawk ah an puang a ni.

Ms Zhang pasal Han Wentao hi Sierra Leone ah construction contractor hnathawk in a awm a African country hian flights zawng zawng a suspend vangin China ah hian a kir thei lo. A nupui nen hian inhmu theilo in inthlahna pawh an nei thei lo a ni. Nikum December kha an inhmuh hnuhnun ber ṭum a nih thu Mr Han hian a sawi. Sierra Leone a Chinese Embassy chuan Mr Han hi China a a kir theihna turin ṭanpui an tum.

DM