Mizo Elite News hi ṭha i tihzawng a nih chuan min lo Follow dawn nia

Huaisen Inti Takin Rul A Chhaih Kawlh Ve Ngawta A Beisei loh Tak Thil A Tawn Phah

Thil nung zing ah chuan rul (snake) te hi ngainatawm lo ber te zinga mi a ni ang. An awmdan leh khawsa zia hrim hrim hi a rapawm in a nelawm fahran loh em a ni.

A hlauhawm tih rual reng hian mi thenkhat inlak huaisen duh lutuk ten in ti ngam fahran in an han khawih kual vel a, huaisen an duh lutuk na ah an nunna hlauhawm ah an dah phah ta reng thin.

Hetiang kawng a chetsualna thleng hi hriat tur a tam tawh hle. India ram ah pawh Maharashtra’s Thane district a cheng mipa pakhat Mohammad Shaikh an tih hian midang te lakah a huaisen zia pholan tum in rul a chhaih kawlh.

A nghawng vel ah te chuan rul hi an vet kual vel a,a thianpa chuan a Mobile Phone hmangin a chetdan chu a lo record sak bawk.

Rul a ngam zia a pholan hnu chuan a taksa chu a nuam lo chho tan ta a, damdawi in hnai ber ah hruai nghal niin doctor te chuan an endik a rul hian a chuk ngei niin an sawi, a hnu lawk hian a boral thu hi an puang ta a ni.

Mumbai police te chuan vanduaina thleng chungchang ah hian Case an ziak lut a,government hospital ah a ruang hi postmortem turin an thawn.

Thuneitu te chuan thil nung hmanga infiamna kalpui leh zuam lutuk thin hi thil atthlak tak a nih thu an sawi, midang te hnen ah fimkhur turin an chah bawk a ni.