Mizo Elite News hi ṭha i tihzawng a nih chuan min lo Follow dawn nia

Hrivei Mek A Pa In Hospital Ah Khum A Chan Theih Nan Fapa In A Khum A Kian

A lungchhiatthlak rual rual in pa tana a fapa inhlanna hi ropui ka va ti teh lul em. Hei baka a Pa a hmangaihna hi a awm leh thei dawn chuang lo.

Kum 38 a upa Mayank Pratap Singh tia koh hi Covid19 vangin damdawiin ah enkawl a ni a, mahsela hetih lai mek hian a hringtupa ngei pawh hri lakah hian fihlim bik lovin a Positive ve a ni tih hriatchhuah a ni.

Mayank hi April 9 atang khan a dam lo tan a, Noida Covid Hospital ah April 17 khan an admit. A dinhmun chu a zual zel a, a oxygen level a hniam hle bawk. A pa Uday Pratap lah a lo Positive ve leh zel si a, damdawiin a in dahlut turin khum ruak a awm tawh silo. Mayank chuan a mutna khum chu thawhsan in a pa zawk enkawl turin a ngen a ni.

Doctor ten a ngenna chu pawmsak in April 27 khan a pa zawk chu an admit thung a, Mayank Pratap Singh hi home isolation in a awm ta zawk tih Times Of India chuan a tarlang.

“Doctor senior a lo kal chuan chaklo tak chungin ka dinhmun a tha chho ve zel ang tiin ka khum chu ka pa tan thawhsan ka duh thu ka hrilh a, an ni chuan rem lo tiin April 27 khan ka pa chu ka mutna khum damdawiin ah admit a ni ta a ni” tiin a sawi.

Tunah Mayank pa hi ICU ah enkawl mek a ni bawk. Mayank chuan he hripui in India ram run a hunkhirh tak a hmachhawn mek ah hian mitam tak te chu mangang in an rum a, damdawiin ah medical facility tlachham in a then chu enkawl theih pawh an ni tawh lo tih a mit ngeiin a hmu.