Mizo Elite News hi ṭha i tihzawng a nih chuan min lo Follow dawn nia

Hripui Vangin An Ṭhenawm Ten An Pui Duh Lo, A Chhung Ten PPE Inbelin A Vuina Tur Lam An Panpui

Hripui Coronavirus kai hlauh vangin an bawisawm duh lo a,an chhung zinga mi boral ta ruang chu an mahni veka an inbuaipui mai a ngaih phah ta a ni.

Karnataka a Belagavi district a thleng a ni a, August 16 khan a ni. He thil hi Social Media ah phochhuah a ni bawk.

Chhungkaw pakhat chuan PPE inbel in an chhung zinga mi boral ta ruang chu bicycle hmangin a vuina tur lam an panpui a ni.

Boral hi kum 70 mi a ni a, hripui hlauh luat vanga an ṭhenawm mite chuan tumah in an puih ṭhat duh loh vangin ruahsur karah heti hian an inbuaipui.

Government lam te dem an hlawh zui phah hle bawk a, CM hming hian richhuak in Ambulance tlakchham vangin sawi a tihtam phah nasa.

Boralta chhungte hian an sawidan chuan kum 70 a upa an chhungkaw mi boral hi ni hnih lai damlo in a khua a sik a, local primary health care a medical team te chuan hospital ah admit tura tiin coronavirus symptom an hmu a ni awm e. Mahsela damdawiin a hruai an tum mek laiin a boral ta a ni.

Emergency number a an dial chuan engmah chhanna an hmu lo. An ṭhenawm te lahin Covid19 hlauh vangin tumah rengin an pui ṭha duh silo a. Hei vang hian PPE inbelin ruahsur karah a vuina tur lam an panpui.

Hemi chungchang ah hian Government leh hospital lam te chuan engmah sawi an la nei lo bawk.