Mizo Elite News hi ṭha i tihzawng a nih chuan min lo Follow dawn nia

Hripui Leng Vanga An Inneih Dan Thlak Danglam In An Chhungten An Telpui Theih Nan US – Canada Ramri Ah Innei

Ruahman leh tum angin an kalpui thei lo a mahsela he an inneihna hi nakin a an la sawiban theih loh tur a la ni ngei ang.

Nova Scotia couple te chuan hripui Covid19 leng vangin an duh ang in inneihna an hmang thei lo. Inneih erawh sawn hla tawh lovin ruahmanna ṭha zawk in inneihna hi an kaltlangpui.

Lindsay Clowes leh Alex Leckie te hi Inrinni khan US – Canada ramri (border) ah nupa ah insiam in an innei.

Hetia an tih chhan chu an hun hlimawm leh ropui hi an chhungten hmuhpui ve ve se tih an duh a, St. Croix River, St. Stephen, New Brunswick lam ah Outdoor Ceremony an hmang ta mai.

An pahnih hian Nova Scotia ah an cheng. Mahse mo Clowes hi Maine a seilian a ni si a, a chhungte tam zawk hi chutah chuan an cheng a ni.

Clowes chhungte hian inneihna hi hman ve an duh em em a COVID-19 pandemic vangin ram chhung intlawhpawh a khirh tak em vangin inneihna chi dangdai hi an huaihawt phah.

Maine a an chhungte chuan ral leh lam US ram awp chhung aṭang inneihna hi an chhim a, hei bakah hian tui ah lawng hmang te pawn an inneihna hriatpui tu mikhual an nei bawk.

An tumdan tak chuan Canada ah pangngai taka innei turin an inbuatsaih a, Covid hian a chawkbuai zo ta vek. Clowes hian an inneihna chu dangdai tak a ni tih CBC te a hrilh nghe nghe.

Hei bakah hian ramri a kal ve remchang lo te tan Facebook group ah live stream hmangin an pe chhuak bawk a Drone hmanga an inneihna hmun vel thlalak pawh a hmuhnawm in a pui rem rem khawp mai.

DM