Mizo Elite News hi ṭha i tihzawng a nih chuan min lo Follow dawn nia

Hripui Leng Mek Karah Hri Do Turin Mizo Nula A Inpe

Mahni in lum ngei ah pawh tawm him hman lovin midang te tan tiin hripui hlauhawm tak len karah hri do turin an in pe. An fakawm thin khawp mai.

Nula chhuanawm tak Esther Lalrawngbawli chu Nilaini khan hripui do turin tlawmngaia in pe in a in volunteer. EM te tarlandan in nula Esther-i hi CCC Mamit ah Volunteer in a kal a, Nimin atang khan Covid damlo te in test na ah a tel ve nghal.

Esther Lalrawngbawli hi Pi Zorammawii fanu niin Khatla, Aizawl a cheng a ni. Christian Hospital Serkawn atang GNM zirchhuak a ni.

Mizoram ah hri vei an pung chho mek zel a, nimin khan Sample 2000 chuang test ah Positive thar 181 hmuhchhuah an ni. Tunah Mizoram ah hrivei enkawl lai 2158 awm mek in hrivei hmuhchhuah tawh zawng zawng zat 8680 an ni a, 6498 te enkawl dam an ni tawh.