Mizo Elite News hi ṭha i tihzawng a nih chuan min lo Follow dawn nia

Hripui Leng Mek Do Nan Naupang Ten An Khawlbawm Hawngin An Rawn Penchhuak

Hripui rapthlak chuan kan India ram ngei nasa tak in a suasam mek a, mitam takin an nunna an chan tawh. Kan zoram ah ngei pawh a ni telin hri kai an pungchho zel bawk.

Hrileng karah naupang te pawh an theih ang angin an luangchhuak ve a, an khawlbawm atangin an pawisa khawl te lachhuak in hri do nan an hlan a ni

Chhingchhip naupang pahnih chuan Chhingchhip CCCC ah a tul ang a hman turin pawisa an pe, an pawisa hlan tu te Eunice. VL Pekhlui. Kum 8 D/O H. Lalthanpuia leh HV. Zodinsanga kum 5 S/O H. Lalchhuanmawia te niin, 592 leh 503 an pe a ni.

Danny Lalnuntluanga Kum 7 mi Ramthar Veng, Lunglei chuan a khawlbawm a pawisa khawlte VLTF Ramthar tanpui nan vawiin khan a pe.

Chaltlang Mualveng a cheng Andy Lalnunpuia, Kum 10 pawhin a pawisa khawl Rs 1000 chu Chaltlang LLTF hnenah nimin khan a hlan bawk.

Aizawl Salem Venga cheng Lalrampari leh Lallawmawma te pawhin tuibur dahna tur Bottle ruak an zawnkhawm sa an hralhna atanga an khawl cheng 2100 chu Salem Veng LLTF hnen ah nimin khan an hlan.

Nimin khan Aizawl Luangmual Venga cheng Lalnunpuia Sailo, kum 10, Pu S Lalchhuanawma fapa pawhin a pawisa khawk cheng 700 chu Luangmual LLTF te hnen ah a hlan.

Aizawl Bungkawn venga cheng Hayley Lalmalsawmi, kum 7 chuan a pawisa khawl Rs 1750 chu Bungkawn LLTF hnen ah a hlan.

Credit : Explore Mizoram