Mizo Elite News hi ṭha i tihzawng a nih chuan min lo Follow dawn nia

Hripui Leng Karah Bangladesh A Bawng Mak Danglam Tak Hmu Turin Mipui An Pungkhawm

Covid19 Lockdown neih mek karah pawh Bangladesh ah chuan mipui ten bawng mak danglam tak hmu tur in an pungkhawm luai luai tih hriat a ni.

He bawng hi a tet em avang in a danglam a, a chanchin hriat a nih hnu ah hmuhchak in Dhaka hnaih a farm ah an kal sup sup. A neitu in a sawi dan chuan khawvel a bawng te ber a ni ang a ti a ni.

Rani tia koh bawng hi thla 23 a upa a ni tawh a, a san zawng hi 51 centimetres a ni. Bangladesh ah chuan Rani hi media star a ni der a, newspapers leh television stations ah te tarlan a ni bawk.

A sei lam hi 66cm a ni a, a rihzawng hi 26kg a ni thung. Guinness World Records in khawvel a bawngte ber a chhinchhiah chu Kerala state a mi Manikyam a ni. 61cm a sang a nia, mahse Rani hi Manikyam ai hian 10cm in a la hniam zawk.

Mr Howlader chuan Rani hmu tur hrim hrim hian hmun hla tak atang mite an lo kal khawm a, thla te laksak in an selfie pui thu a sawi. Ni 3 chhung ringawt in mi 15,000 ai a tam tlawh tu an nei bawk.