Mizo Elite News hi ṭha i tihzawng a nih chuan min lo Follow dawn nia

Hripui a hlauh luat vangin a fapa chu Car hnungah khungin a kalh hnan

United State, Texas a nu pakhat chuan a fapa Covid positive in hri a kai chhawng ang tih a hlauh luat ah a sahimna turin Car hnung lam car boot ah a kalh hnan tih hriat ani.

Hri vanga a fapa nunna derthawng taka dah tu Sarah Beam, 41 hi zirtirtu a ni a, a fapa kum 13 mi hian hri a vei tih sawiin chumi chian turin January 3 a testing centre a kalpuina ah a bulah pawh a chuan tir duh lo a car boot ah chuan alo khung.

A fapa hi mangang thlabar in thawm a chhuah a, a thawm ri chu midang ten an lo hria.Sarah Beam chuan boot an hawn chuan a fapa chu alo tawm reng a, hri a kai duh loh vangin tihian a khung thu a sawi.

KTRK-TV ten an tarlan ah health worker ten Beam hnen ah hian a fapa an khawngaih luat vangin backseat ah a thut tir lo a nih chuan test an nei dawn lo tih an hrilh. He thil thlen hnu hian Sarah Beam hi a fapa chunga a chetdan ah thubuai siamsak a ni a, Cy-Fair ISD Police Department lamin Law enforcement ten investigation an nei ang tih an sawi. Vanneihthlak takin a fapa hian hliam na engmah a tuar lo hlauh.

Ms Beam hi Cypress Falls High School ah zirtirtu hna a chelh. Texas’s public safety department chuan car hi chesual palh se naupang chungah hian eng nge thleng ang tih a hriat loh thu leh a nunna a tan a hlauhawm hle thu an sawi ani.