Mizo Elite News hi ṭha i tihzawng a nih chuan min lo Follow dawn nia

Hringtu In Duh Lova A Paih Naute Buara Chhunga Mi Chu Chhanchhuah A Ni

Mahni ril a rah te chungah ngei pawh lainatna leh khawngaihna reng nei lo mihring hi anlo va han tam tawh tak em. Hetiang hi chu mihring tia chhiar tlak pawh an ni lo.

Nagaland ah chuan thil rapthlak tak mai a thleng a. Pathianni liamta May 22 khan Dimapur ah naute a hringtu nu in duh lo a a paih tak chu chhar a ni.

Naute hi buara (sack) chhung ah khungin tuikawr ah paih a ni a, naute ṭap thawm hria a hmu tu hian rang taka midang pun nghal in naute hi buara aṭang lakchhuah a ni.

Vanneihthlak takin naute hian a nunna ala chan lo a, Women Police Station a hruai a nih hnu ah Nikos hospital ah check up turin hruai a nih leh thu nenow chuan a tarlang.

Doctor thurawn angin Neonatal Intensive Care Unit (NICU) ah admit a ni a, a dinhmun a ṭhat hma chu NICU ah hian enkawlna a dawng dawn a ni.

Naute hi mipa a ni a, damdawi in a piang ngei nia hriat a ni bawk. Police lam chuan Investigation an kalpui mek a ni.

Nenow