Mizo Elite News hi ṭha i tihzawng a nih chuan min lo Follow dawn nia

Hriatna Hlohin A Fapa Nen Kum 15 An Inthen Hnuah An Inchharchhuak Leh

India ram Delhi a nu pakhat Rama Devi hi rilru lama harsatna a neih hnu ah a fapa ngei pawh hrechhuak thei tawh lovin rei tak hun a lo hmanga, kum 15 zet chu a fapa hi a hrechhuak thei tawh lo a ni.

Rama Devi Chowdhary hi criminal lawyer a ni a, kum 15 liam ta 2005 khan a pasal nen in hmuthiam lovin Kolkata a an chenna in atang a chhuak. In a chhuahsan lai hian a fapa Mitrajeet Choudhury hi kum 7 chiah a la ni nghe nghe.

A pasal leh a fapa a chhuahsan hnuah Delhi lam panin a inbengbel. Supreme Court lam a beih mek lai chuan schizophrenia chuan a tlakbuak a, rilru lam damlohna a nei. A natna hian a hriatna hial a hloh tir phah. Thla 9 chhung chu Delhi’s Institute of Human Behaviour and Allied Sciences ah an enkawl. Hemi hnu hian RAHAB Centre for HOPE rehabilitation facility ah a awm leh.

Rama hian amah ngei pawh a inhrechiang tawh lo a ni ber. Mahsela RAHAB Centre for HOPE rehabilitation facility a enkawl a nihna ah hian kumin June khan rei tak a fapa a hriatchhuah theih tawh loh chu a hre leh ta a, a fapa hming Mitrajit chu a rawn lamchhuak hlawl.

In atang a chhuah khan a fapa hi kum 7 mai chauh ala nih vangin zawnchhuah kawngah pawh a buaithlak hle. Record te an hai hnu ah pawh an hmu lawk lo. A pasal lah Kolkata atang a lo insawm leh daih tawh si nen a address thar hria pawh an awm lo. Rehab Centre team ten theihtawp an chhuah hnuin Social Media an hmang tangkai a Facebook kaltlangin Rama fapa hi an zawng hmu.

Facebook a Mitrajit Chowdhary tih hming an be kual zel a, an zing a pakhat chu a fapa a lo ni ngei tih an hre ta a ni. Rama hian thlalak atang chauh chuan a fapa hi a hrechhuak thei lo a, Video atangin a hre thei chauh. Mitrajit pawh in a nu hi a lo zawng ru ve reng bawk a, an inhmuh leh meuh chuan a nervous zia sawichhuak in a sam rawng te a lo inthlak vek tawh vangin a hrechhuak thei lawk bik lo tih a sawi bawk.

Phone leh video a an inbiak hnu in 25 November 2020 khan an inhmu thei ta a ni. An nufa hian an pa awmna Viskhapatnam, India tlawh dun turin an ruahman a,Mitrajit chuan a pa hian nupui dang ala neih bik loh thu a sawi a ni.

WOB