Mizo Elite News hi ṭha i tihzawng a nih chuan min lo Follow dawn nia

Hospital Bill Neih Loh Vangin An Naute Cheng Nuaikhatin An Hralh

Hemi chungchang ah hian damdawiin lam te chu an puhna ah an pha nasa hle. Naute pe tur hian an nawr lui lo a, an nupa thutlukna ngei a nih thu an sawi.

Agra, Uttar Pradesh a Dalit nupa te chuan bill pek tur an neih loh vangin hospital ah an naute pianghlim chu an hralh thu an tarlang. Damdawi in lam chuan naute nu leh pa te hian an fa hi adoption turin an dah an ti.

Babita hian kar kalta khan damdawiin ah C-section in naute mipa a hring. Procedure atan Rs 30,000 a ni a damdawi man atan Rs 5,000 a ni. Babita pasal Shiv Charan hi rickshaw a khalh ṭhin. Hospital bill pek tur neih loh vang in an fa chu an hralh ta a ni awm e.

JP Hospital a Manager, Seema Gupta chuan damdawiin lam puh hmingchhiatna chu a dik lo a ti a. Nupa te hian an mahni duhthlanna ngeiin thutlukna hi an siam. Ziak leh chhiar an thiam loh vangin doccument ah an remtihna in kutzungpui an nemkai a ti bawk.

District magistrate, Prabhu N Singh chuan hemi chungchang hi pangngai taka investigation neih a nih tur thu a sawi.

Shiv leh Babita hi an fata 5 nen Shambhu Nagar ah in an luah. An fapa upa ber hi shoe factory ah hna a thawk a,mahsela hripui len vangin hna chhunzawm thei lo in an awm. Ayushman Bharat scheme chuan a tuamhlawm hleithei lo bawk a ni. An chhungkaw dinhmun a harsa ve khawp mai.

IT