Mizo Elite News hi ṭha i tihzawng a nih chuan min lo Follow dawn nia

Homework A Tih Loh Vanga Zirtirtu In Hremna A Pek Hnu Lawkah A Boral

Zirtirtu hian a zirlai hi a hriselna dinhmun hrelo in taksa lam ah nawm lohna a neih leh neih loh pawh a lo thlithlai hran lem lo a, zirtirtu a nih angin a zirlai te ah action a la a ni.

Thailand rama mipa naupang kum 13 a upa chu homework a tih loh vangin an zirtirtu in a hremna atan Squat 100 a tih tir a, Squat a tih hnu lawk ah he mipa naupang hi a boral.

The Nation in a tarlan dan in August 31 khan a khuasik vangin damdawiin ah a lut a, September 2 ah damdawiin a chhuahsan. Damdawiin aṭang a chhuah hnu a tuk ah chuan School a zawm ve leh.

Damdawiin a a awm vangin homework a neih ang te chu a ti hman lo. Homework a tih loh vang chuan an zirtirtu hian 100 squat jumps turin a ti.

Zirtirtu in a hrem hnu September 4 khan naupang hi damlohna in a tlakbuak leh. A dam loh tuk chuan khum aṭang tho tur awm tawh lohin tuma dawm hlum lohin a boral ta a ni.

Doctor te chuan zing dar 3 vel ah he naupang hi cardiac malfunction in a boral tih an sawi a, School a zawm leh hma hian a hriselna dinhmun chiang tak hi hriat a nilo bawk.

Vanduaina thlen hnu hian School lam chuan an zirlai chhungte hi pe pawp in ngaihdam an dil a, a thihna ah hian mawhphurhna la tur pawhin an inhuam tih an sawi. Mahse zirtirtu chungah hian action lak a nih leh nih loh tur hi engmah sawi a la awm lo.

WOB