Mizo Elite News hi ṭha i tihzawng a nih chuan min lo Follow dawn nia

Hollywood actor John Cena an Sidharth Shukla thlahna a nei

Actor Sidharth Shukla chu September 2 khan kum 40 a upa in lungphu chawl in a boral a, film leh television industry chu Sidharth thihna hi tuar in a chhungte leh a bialnu Shehnaaz Gill te chu an tawrhpui zia an tarlang.

Sidharth Shukla thihna hian hriat a hlawh thui khawp a, Hollywood actor leh WWE wrestler, John Cena meuh pawh in Sidharth Shukla thlahna a rawn nei. Instagram ah Sidharth Shukla thlalak hi a post a, Caption engmah a dah lo. Zahna leh hriatrengna hun a hmang a ni.

Sidharth Shukla fans ten John Cena post siam hi an hmu thuai a, Comment kaltlangin thu lungchhiatthlak leh a thil tih vanga an lawm thu an hrilh bawk.

A boral dan a rang teh thut lutuk hian mitam tak hrilh a ti hai hle a, a bik in Sidharth chhungte hian an vui thleng pawh in pawm harsa an la ti viau. Ruang hi Cooper Hospital ah postmortem a ni a, autopsy atang chuan a taksa chhung leh pawn ah hliam engmah a nei lo a ni.

September 3 khan damdawiin atang a vuina tur Oshiwara crematorium an panpui a, vuina ah hian a nu, a unaunu, a chhungte leh a thiante bakah a bialnu Shehnaaz Gill te chuan ui tak chungin an thlahliam.