Mizo Elite News hi ṭha i tihzawng a nih chuan min lo Follow dawn nia

Hnathawk A Hmun Danga Awm Chu An Ram Lama A Hawn Leh Meuh Chuan A Nupui Mangṭha A Ngai

Hmangaihte chan nat zia chu a tawng tawh a piang in an hrechiang. Nupa ṭang ṭhen ngat phei hi chu thihna ah pawh a tawrhdan a na bik zual kai.

Malaysian Battalion 850-7 (MALBATT 850-7) Peace Corps United Nations (UNIFIL) Interim Team zinga mi Lance-Corporal Mohd Noh hi Lebanon ah hnathawk in a awm a, a hmangaih te kalsan in kum 1 chu hnathawk in ramdang ah hian a khawsa tawh.

Vanduaithlak takin a hnathawhna hmun ah chuan thu hriatnuam lo tak mai chuan a rawn deng a, a nupui Norhidayah Binti Amishammydin chu na taka dam lovin lung lam ah harsatna tawk in lung infection in a tlakbuak thu leh a thih lek lek thu a hria.

A nupui dinhmun a hriat meuh chuan a va ṭhawng teh reng em. An ram lamah a nupui hmu tura hmanhmawh taka insiam in a kir nghal a, darkar tam pawh a awm tawh lo tihah chuan a nupui hian nghak zo lovin a lo boralsan ta a ni.

17th September 2020 khan a nupui Norhidayah Binti Amishammydin chuan a kalsan a, Lance-Corporal Mohd Noh hi a nupui hun hnuhnung ber ah pawh dawm hlum turin a kiang ah a awm thei lo.

Hripui len lai a lo ni bawk nen mahsela Ministry of Health and the Angkatan Tentera Malaysia (ATM) te puihna a zarah Personal Protective Equipment (PPE) ha in a nupui hi a tawp nan a ruang hmuh leh mangṭha phal sak a ni ta a ni.

MALBATT 850-7 a a thawhpui te pawn Mohd Noh chunga thil thlengah an tawrhpui zia leh pawi a tih thu an tarlang. Thihna hi chu a va nunrawng ṭhin tak em!

WOB