Mizo Elite News hi ṭha i tihzawng a nih chuan min lo Follow dawn nia

Hna Interview A Neihah Nuihzat A Hlawh Thin Vangin A Hmel Tih Danglam Nan Plastic Surgeries Vawi 9 Zet A Hmachhawn

“Hmel a siam that theih loh a, nungchang erawh a siam that theih” an tih te hi chu a ve mai mai chauh a ni. Sum a awm hi chuan hmel leh taksa landan zawng zawng thleng pawn alo thlak danglam theih chiang a ni.

Vietnam tlangval kum 26 a upa hian a hmel landan ah duhkhawp lovin plastic surgeries vawi 9 zet alo hmachhawn tawh. Đỗ Quyền tia koh hian a inthlak danglam dan thlalak leh video te hi Social Media lama a phochhuah hnuah mite mak tih a hlawh hle.

Netizen te chuan a mit, a hnar leh hmui mai bakah a hmai ruangam zawng zawng te pawh a in thlak danglam hlawk tih an sawi zui chul a ni.

Đỗ Quyền hian a sawidan chuan a landan hmasa khan harsatna a siam fo thin tih a sawi a, hna a zawnna kawngah a hmel that loh vangin hnathawh tur a hmuh loh bakah nuihzat a hlawh tih a sawi tel bawk. Hna Interview a neih tuma midang ten an en dan atang thil eng emaw ti tura thutlukna hi a siam phah.

Đỗ Quyền te chhungkua hi chhungkaw awmthei an ni lo a, a pawisa khawl zawng zawng te chu plastic surgeries atan hian a lo hmang ral vek a ni.

Surgery neih sak tu Saigon a awm Makeup Artist chuan a senso atan hian 400 million dong (approx. RM70,678) zet a hmang. Surgery a neih zawh hnu a in lama a kir chuan a nu leh pa te pawh in an hai hial reng.

Tiktok leh Instagram a hmang nasa hle a, a landan hi a tarchhuak fo thin. Mi thenkhat te atang sel leh diriamna te a tawk bawk. Mahsela Đỗ Quyền chuan a thil tih ah a inchhir loh thu a sawi a, mahni a tha intih leh inrintawkna neih hi thil pawimawh hmasa ber a ni a ti.