Mizo Elite News hi ṭha i tihzawng a nih chuan min lo Follow dawn nia

Hmelṭha Nunrawng Tia An Sawi, Sweet But Psycho Hmanga Rawn Lar

Social Media leh Internet lam ah he hmeichhia hi a viral nasa hle a, Sweet But Psycho hmangin Whatsapp Status leh Stories ah te hmuh tur tam tak a awm.

A hmel en chuan thil tisual leh pawisawi hmel ang pawh a pu lo. Mahsela a hmel landan ngawt erawh a lo ni hauh lo. Hmelṭha nunrawng tiin hming lem pu hial tlak reng a ni.

He hmeichhia hi Isabella Guzman tia koh a ni a kum 2013 August 28 khan an chenna Aurora, Colorado, USA ah a hringtu nu Yun-Mi Hoy chu rawng taka that in a nunna a lo laksak.

A hringtunu hi Isabella Guzman hian a hmai leh nghawng ah te vawi 151 zet a vih bakah baseball bat in a hlap bawk. An chenna in a in chung bathroom ah a nu hi a bei a, a pahrawn Ryan Hoy chu inhnuai lam ah a awm lai a ni.

A nupui na tuar thawm a hriat chuan inchungah tlanchho thuaiin mahsela Isabella hian kawngkhar a kalh tlat. A hnu a kawng hawn a nih chuan a nupui Mi Hoy chu hliam nasa tak tuar in thisen leh tui nen a lo let reng tawh. Isabella hi a nu kiang ah hian chemte nen a lo ding reng.

Ryan Hoy hian a nupui awm (chest) te nem in a nupui hi chhan tum mahse chhan theih reng ni tawh lovin a lo thi fel der tawh. Autopsy aṭanga a landan erawh chuan Yun Mi Hoy hi a hmai ah vawi 31 leh a nghawng ah vawi 48 te vih a ni tih an sawi.

Thil thlen tuk hian Police ten Isabella hi parking garage kiangah an man. Amah hi rilru lama chian lohna nei niin an sawi bawk. A nu nen hian an inkar a ṭha lo a, email hialin vauna a thawn tih hriat a ni. Thil sual rapthlak tak ti a a hringtu hial nunna a laksak vangin kum 27 tang turin a chungthu an rel zui sak.

He thil thlen aṭang kum 7 hnu daih ah he nula hmelṭha nunrawng-i hi Social Media hrang hrang ah a rawn lar thar in a viral leh hluai.

World Today News