Mizo Elite News hi ṭha i tihzawng a nih chuan min lo Follow dawn nia

Hmeithai Pi Nunmawii Cancer Natna Vei Puala Sum Tlingkhawm Hlan

Vawiin 14h May 2021(Zirtawpni) khan Zo Inspiration te chuan Siaha Maubawk a hmeithai Pi Lalnunmawii pile cancer puala kan vehbur khawn a sum lo lut cheng 3,71,205 ₹(nuai thum sing sarih sang khat zahnih leh panga) chu tuna an awmna Lai House, Bungkawn ah kan va hlan fel ta e.

Pi Nunmawii hi a fapa nen chauha khawsa an ni a, a pasal hian a fapa kum 11 mi vel anih laiin nupui dang a neih san a, tichuan chhungkhat hnai pawh nei mumal lovin an nufa chuan an in enkawl ta a ni. Pi Nunmawii hi a taksa a hrisel that tawh loh avangin a fapa Malsawma chuan chawhmeh te zuarin a nu enkawl na tur pawisa a tuak thin a. Mahse covid 19 thawh hnihna avangin engmah an thawk chhunzawm hlei thei tawh meuh lo a ni.

Naktuk 15th May hian test an paltlang anih chuan Zemabawk Cancer hospital ah chemo an khai leh dawn a ni. Pi Mawii hian chaw leh thil dang hi a taksa mamawh tawk pawh a ei hlei thei meuh lova, i tawngtaipui mawlh mawlh ang u.

He vehbur kan lo khawn a sum lo chhung luttu leh kan post te min lo thawn darh sak thin tu zawng zawngte a let tam takin Lalpan malsawm che u rawh se.

– Zo Inspiration