Mizo Elite News hi ṭha i tihzawng a nih chuan min lo Follow dawn nia

Hmeichhia Kum 14 Leh Kum 15 Te Chu Mipa 8 Ten An Pawngsual

Nitin mai in hmun hrang hrang ah sualna hian thla a zar reng mai zawng a nih hi.

India ram Khowai, Tripura ah hmeichhe tleirawl pahnih kum 14 leh kum 15 te chu mipa 8 reng reng in an pawngsual rawn tih hriat a ni.

Times Of India in a tarlan danin hmeichhe tleirawl pahnih te hi Thawhtanni khan Holi, the Festival of Love an lawm a, Holi lawm zawh hnu ah hian in lamah an haw hmuh an ni tawh lo tih an sawi a, tualchhunga cheng mipa 8 te chuan ram lam an panpui hnu ah an pawngsual rawn. Nikhua an hriat loh thlengin an pawngsual a, thi turin an kalsan.

Thawhlehni zing khan hmeichhia te hi in ah an hawng a, hliam an nei nual bawk. Damdawiin lamah an hliam te hi enkawl turin an hruai nghal. An nu leh pa ten eng nge thleng tih an zawh hnu ah pawngsual an nih thu hi an sawichhuak a ni.

Hmeichhe chhungte hian Police te thil thlen dan an hrilh hnu ah hma an la nghal a,pawngsual zinga inhnamhnawih ho mi 8 Bimal Debbarma, Soyel Debbarma, Michael Debbarma, Nishit Debbarma, Biresh Debbarma, Jagu Debbarma, Bikash Debbarma leh Hrishit Debbarma te chu man vek an ni bawk.

Police Officer chuan hmeichhia te hi ram lam an panpui hnu ah zankhua in an sualrawn a, nikhua an hriat loh rak thlengin a hnu ah thi turin an kalsan ta a ni tiin a sawi ve bawk.

Mi tenawm 8 te hi magistrate hma ah inlan tur a hriattir an ni a, dan angin an phutawk hremna pek an ni ang.