Mizo Elite News hi ṭha i tihzawng a nih chuan min lo Follow dawn nia

Hmeichhia An Neih Tam Tawk Loh Vangin Dating App Te A Khing

Heti lamah te chuan kan uar lem lo na in ram dang hmun thenkhat ah chuan Dating apps hmang tangkai a nupui/pasal a innei zui ta te pawh an awm ve nuk a ni.

United State a cheng mipa pakhat kum 29 a upa Ian Cross chuan dating app a lo hmang tangkai ve a, mahse dating app ah hian a duhkhawp thil a hmuh tak loh vanga thubuai siam in app neitu te chu a khing tih hriat a ni.

Khingtu Ian Cross hian kawppui zawnna atana a hman hi Denver-based dating website a nia, database ah hmeichhia an nei tlem lutuk tiin a sawisel a, hei vang hian a lungawi lo em em a ni.

Ian Cross chuan web a thuneihna chelh tu HMZ Group te chu a mawhchhiat, an ni hian The Denver Dating Co hi an kaihruai. Cross hian site membership atan hian $9,409 a chawi a, mahse hmeichhia kum 18 atang 35 inkar mi 5 chiah database atang hian an active thu a sawi.

He tlangval hi hmangaihna kawng ah a luck bik vak dawn lo tih a hriat reng a, engtik ah emaw a duhthusam tak hmeichhia a tawn ngei a beiseiawm.