Mizo Elite News hi ṭha i tihzawng a nih chuan min lo Follow dawn nia

Hmeichhia Aṭang Mipa Ah A Inlet A, A Fate Tan Pa Ṭha A Nih Zawk Thu Sawiin A Faten ‘Pa’ Tia Koh Erawh An Harsat

A va han hahthlak ṭhin zo zai em. Hmeichhia a nihna chu duh lovin mipa nih a thlang zawk a, a sam sei mawi tak chu mipa sam angin a titawi vek.

Tennessee a mi Adam Walker (kum 32) tia in ko ta ngat hian fa pahnih a nei tawh. Mahsela transgender niin hmeichhia aṭang mipa ah a inthlakdanglam daih a July, 2017 aṭang mipa angin a landan a ti danglam.

Hetiang hian a fate tan pa ṭha tak a ni zawk a ti a, amaherawh chu a fate hian han koh dan tur velah buaina an tawk ṭhin. “Pa” tih thumal chu an tan hman a harsat chang a awm ṭhin thu a sawi a, mahsela mipa anga a lan hnu hian “nu” tih thumal hman phal lo in “pa” tih chuan an ko ve mai.

Adam hi surgical technologist a ni a mipa a inthlak dawn hian surgery te hmachhawn in male-contoured chest te a tih chawp tir. Mipa a a inlet hi a chhungkua leh a ṭhenrual te chuan an duh lo hle a, an tuithlar zui deuh. Mahsela amah chuan mipa anga a lan hian a tih hlim zawk thu a sawi thung.

A fapa James (kum 10) mi tan hian “pa” tia koh chu a harsa zual. A chhan chu James hian tuna a pa hi nu a nih lai a hriatchian em vang a ni. Adam hian a fapa James hnenah hian kum 7 a nih laiin mipa ah a inthlak tur thu a hrilh chuan a fapa hian inthlak lo tur leh mipa neih ang sazu a neih ve loh thu a lo hrilh thu a sawi nghe nghe.

Adam hian hmeichhe thuam leh sam sei hnap ang chu a lo haw hlur a, mipa thuamhnaw ang boxer te chu a ngaina zawk. Mipa te chu amah ah han hipna engmah a awm thei lo, mahsela chuti chungin tun hma in hmeichhia erawh a kawp ngai lo tih a sawi a ni.

DM