Tumna a san leh tlakna a sang a, beidawng lo va bei ṭang ṭang tu te chuan a tawp ah hlawhtlinna duhawm an chang ṭhin.
Madhya Pradesh a Bhind district of Chambal region a thingtlang khaw pakhat Ajnol a tleirawl hmeichhia kum 15 a upa Roshani Bhadoriya hi nitin an in aṭang an school 24km a thui chu Cycle hmangin a lo kal ṭhin.
Roshani Bhadoriya hi kuthnathawk tu fanu ve mai a ni a, mahsela a tum ah a chiang a, an retheihna chu rilru hnual leh indawmkun na atan hmang duh lovin amah ṭan pe tu atan a hmang zawk.
Madhya Pradesh Board of Secondary Education’s Class 10 exams an neih ah chuan Roshani Bhadoriya hian 98.75 per cent marks hmu in Rank ah 8 na a rawn ni thei a ni.
A pa Purushottam Bhadoriya chuan Class 8 kha chu Bus vel a awm vangin a harsa lo a mahse Class 9 aṭang inkal pawhna kawngah hian harsatna kan tawk chho ṭan a ni tiin a sawi.
Roshani in a School kal dan a sawi chuan atan pawh inkal pawhna ṭha tawk lo chu a harsat chang a tam hle thu a sawi a, a pa chuan hun a neih remchang a piangin a motorcycle hmanga a hruai ṭhin thu a sawi.
School an bana in lama a kir hnu hian nitin darkar 7 aṭanga darkar 8 lehkha a zir ziah ṭhin. Roshani hian civil service exams a IAS officer nih ngei chu a tum nghet hle bawk.
ANI