Mizo Elite News hi ṭha i tihzawng a nih chuan min lo Follow dawn nia

Hmeichhe Thinlung Kehsawm Chuan A Bialpa In Hmeichhe Dang Nupuia A Neih Lai Mek Chuan Rilru Na Takin Inneihna Pawn Atang Theihtawp In A Au

India ram hmun thenkhata inneih na hi chu film vel ah chauh hmu tura kan lo ngaih pawh hi a tak ngeiin a lo thleng thin. Hmeichhe thinlung kehsawm ta chuan a bialpa in hmeichhe dang nupui atan a neih lai chuan rilru leh thinlung na takin pawn atang a au chhuak.

Thil thleng hi Internet ah a darh chak hle bawk. Lo hmu a piang ten hmeichhe pakhat thil tawn hi an chan tura an ngaihtuah in na an ti a, an khawngaihzia an tarlang chuah chuah a ni.

Madhya Pradesh a Hoshangabad ah chuan inneihna buatsaih a ni. Hmeichhe pakhat chu inneihna hmun ah hian kalin pawn atang chuan mopa chu a theihtawp in a au lawm lawm a, vawikhat tal inbiak pui ah a ngen. ‘sona babu’ tiin tap chungin inneihna hall ah chuan luh a tum a, mahse luh phalsak a nilo a, gate ah dan beh in a awm tlat.

Zee News in a tarlan ah he hmeichhia hi Kanpur a cheng a ni a, a nupui ni mai tur nena hall chhunga inneihna hmang mek mo neitu nen hian inngaizawng an ni, kum 3 chhung zet chu an lo inzui tawh. Bhopal ah an pahnih in private firm ah hna an thawk dun thin.

Mahse a bialpa hian amah nilo hmeichhe dang nupui atan a nei a, hei hi hmeichhia hian a hriat in thinlung kehsawm in rilruna takin alo rum vawng vawng a, inneihna hmun lam ah hial a va kal ta a ni.

A bialpa hian hmeichhe dang nupui atan neihsan mai nge a ni tih chu hriat a ni zui lo. Inneihna a a lut tur hi mo neitu chhung leh security ten hneh takin an dang bet a, a bialpa pawh chu hmu thei chuang lo in Police in an hruai zui.

Hmangaih ber te phatsan nih hrehawm zia chu a tawng tawh te chuan an hrechiang khawp ang. A na dawn em mai a chan hi.