Mizo Elite News hi ṭha i tihzawng a nih chuan min lo Follow dawn nia

Hmeichhe Raipuar Mek Pawh Sipai Ten An Kap Duh Zel

Myanmar chanchin hriat in rilru a na a, mitam tak tawrhna leh nunna chan ta te ngaihtuah in thinlung hi a lo rum vawng vawng mai.

Sipai uicho ho hian naupang kum tling lo takngial te pawh an kap duh a, a then kahhlum niin a then chu hliam na tak tuar tir an ni bawk.

Naupang ringawt pawh a nilo hmeichhe raipuar, a fa pai mek pawh an zuah bik chuang reng reng lo a, an ralthuam hmangin an kap tho. March 31 khan Rangoon South Dagon a mi hmeichhe raipuar hi terrorist te hian an kap tih hriat a ni.

He hmeichhia hian thla 5 upa nau pai mek a nia, inchhunga a awm lai chu sipai te silai hmehpuah hian a in chu tawn tlang in a kawng/lai vêl ah tak silaimu hian a fuh. Vanneihthlak takin a nunna a chan lo hlauh. A hliam hi enkawl mek a ni.

South Dagon ah hian mi 6 ten hliam an tuar a, mi 2 te hi municipal compound a mi niin, mi 10 vel man an ni bawk tih an puang. Hliam zinga pakhat phei chuan a nunna a chan phah bawk.

Helpawl sipai te hian tawp mai an tum lo ang bawk in mipui te pawh in Democracy tluchhia tungding leh tur hian banzai rel an tum bik lo a, an theihtawp in anla beichho zel a ni.