Mizo Elite News hi ṭha i tihzawng a nih chuan min lo Follow dawn nia

Hmeichhe Pakhat In Michael Jackson Thlarau Chu Pasal Atan A Neih Thu A Sawi

Khawvel hi zawng thil mak pui pui thleng hi hriat tur a tam khawp mai. He hmeichhia hian dawt muhlum lutuk a sawi a ni han tih theih ngawt lah a ni bik bawk silo.

United States lam a cheng nu pakhat Kathleen Roberts tia a hming tarlan tak chuan King Of Pop thlarau chu pasal ah a neih thu a rawn sawi meuh mai. Kathleen chuan Michael Jackson thlarau chu amah ah a cheng a, a taksa te chu a hman tangkai thu a sawi.

Michael Jackaon thlarau nen an inchelhchilh dan chungchang hi Kathleen Roberts hian Online Article ah a ziak lang a, mak tih pawh a hlawh zui ngang mai.

A taksa chu zai leh lam (dance) nan Michael hian a hmansak thin a, thil ei nan a hmang tel bawk. Mahse amah a thlarau awm chuan hurherhna lam chi engmah a duh lo a, cookies a ngaina zawk a ti.

Michael thlarau nen hian kum eng emaw ti chen an awm tlan tawh thu Kathleen chuan a sawichhuak a, a hma in amah vek hian Marilyn Monroe piannawn lehna reincarnation in a lo in chhal tawh bawk.

TikTok leh Instagram videos ah te a lam lai a Share chhuah hmuh tur a awm a, Billie Jean star in a taksa a luah sak vang a ti niin a inchhal. Mahse a Content te hi a hnu ah Delete leh a ni tih Daily Star in a tarlang. Mi zakzum tak anga TV lama a lo hmuhdan thin nen chuang a danglam khawp a ti a ni.

Mi dangin a chungchang an lo hriat chuan rilru lam a chian loh leh dam lohna nei ah an ngai a, mahse a thusawi zawng zawng chu 100 per cent a a dik famkim tak zet thu huai takin a sawi.

Michael Jackson hi a hunlai a Music Industry a lar ber tia chhal ngam a ni. June 25, 2009 khan kum 50 a upa in cardiac arrest in a boral a, a thihchhan phen ah hian OD nia hriat a ni bawk.