Mizo Elite News hi ṭha i tihzawng a nih chuan min lo Follow dawn nia

Hmeichhe Pakhat Hian Australia Ram Kang Ṭanpui Nan A Zahawmna Hralh

Australia ram chuan kangmei vangin buaina leh harsatna an tawk mek a ni tih kan hria a, mi thiltithei leh mi inpe ten ṭanpuina atan an sum neih ang te an thehchhuah nasa a ni.

Donation pek chungchang ah hian tam tak in ṭanpui turin an ka an ang hlawm. Chung zing ah chuan he hmeichhia pawh hi a tel ve. A ni erawh hi chu a ṭanpuina khawn dan a dangdai thung hle, a thil tih hi a ṭhat viau laiin a zahawmna a ti bawrhbang kher chuan sawi a hlawh zui phah a ni.

Twitter Account pakhat lilearthangelk tih chuan Australia kangmei tuar chhawmdawlna atan hian a zahawmna a zuar hmiah mai.

Twitter ah chuan “tu pawh Australia kangmei chhawmdawlna fundraiser ah a tlem ber a $10 tal Donate a piang chu ka saruak thlalak ka thawn ang. $10 donate chuan in donate na tihchian na nen DM ah min lo bia ula ka saruak thlalak ka pe ang che u” tiin tweet a siam hem.

lilearthangelk hian Australia kangmei chhawmdawlna atana pawisa a khawn tlingkhawm hi 500,000 Australian dollars lai a nih thu an tarlang. A tihdan ang hian Twitter Account dang Luna chuan a ti ve bawk. Luna hian 18,000 Australian dollars lai a zahawmna hralh hian Australia’s Bush Fire Relief tan sum a hmuh sak ve a ni.