Mizo Elite News hi ṭha i tihzawng a nih chuan min lo Follow dawn nia

Hmeichhe Pakhat Chuan Rinloh Takin Thlawhna Ah Naute A Nei Thut

Khawchin leh nau chin hriat a nilo an lo tih ṭhin kha. Rinloh takin hmeichhe pakhat chuan thlawhna chhungah naute a nei thut.

Nilaini a IndiGo’s Delhi-Bengaluru flight a thil thleng a ni a, Delhi aṭang Bangalore lam panna thlawhna flight 6E 122 ah a ni.

Indigo lam chuan naute hi a pian hun tura an ngaih aia hma ah a piang tih an sawi. Vanneihthlak takin thlawhna ah hian Dr Shailaja Vallabhani a lo chuang ve hlauh a,a ni hian alo bawihsawm. Naute hi mipa a nih thu leh a hriselna dinhmun a ṭhat thu sawiin hei bak chu thudang puan tur a awm lo tih an tarlang nghal bawk.

Hetiang thil hi an tawn khat em vangin crew members te pawh in a lawmawm dangdai an ti hle a, naute pawm a an thlalak te social media platform ah phochhuak in lawm a hlawh hle. Mi ṭhenkhat phei chuan he naute hi a len hun ah IndiGo Pilot a la nih ngei an duhsak bawk.

Thlawhna a naute neih hi hriat tur alo awm zeuh tawh ṭhin. 2017 khan Jet Airways chuan Saudi Arabia leh India a zinkawng an zawh tumin naute pakhat flight tickets an lo free tawh a. 2009 khan AirAsia ah a thleng bawk a ni.

IT