Mizo Elite News hi ṭha i tihzawng a nih chuan min lo Follow dawn nia

Hmeichhe Pakhat Chetsualna Vanga Damdawiin A Luhpui Chu Doctor Leh Police Te Inhnialbuaia Enkawlna Tihkhawtlai A Nih Vangin Nunna Chan Phah

Hospital a thawk Doctor a lo in duh deuh vangin Police lam nen an inhnialbuai phah a, hei vang hian vanduaina tawk hmeichhe pakhat chuan treatment a dawn tur tikhawtlai zel a nih vangin a boral phah.

UP’s Badaun district a hmeichhia kum 48 a upa chu Road Accident tawk in hliam a tuar a. Damdawiin ah hruai a nih chuan enkawl thuai a mamawh em em a. Mahsela treatment dawng lawk lo in a hun hlu tak chu a ral zel a ni.

Community health centre a Doctor chuan enkawl duh lovin phone hmangin a buai rih thu alo hrilh a ni awm e. Hmeichhe hliam tuar a bawisawm ṭhat duh loh vang hian Doctor hi Police nen intibuaiin an inhnial phah bawk.

Report in a ziah dan chuan Doctor leh Police hi minute 20 vel lai an inhnialbuai. Hetih lai hian hliam tuar hmeichhia hi stretcher ah zalh mek a ni bawk. Rei tak inhnial vangin a damchhuah theihna tur hun ṭha a hloh zel hnu ah a boral phah ta a ni.

Sub inspector leh Doctor inhnial lai video pakhat minute 2 leka thui pawh a darh zui nghal. Doctor khan enkawlna lo pe nghal se chuan he hmeichhia hian nunna a chan bik an rinloh thu an sawi bawk.

Police pa hian “Doctor khawsak dan kha pawm a harsat bakah a ngaihsam mah mah a ni. Kha hmeichhe dinhmun kha a ngaihtuahawm vangin hmanhmawh turin ka hrilh a, a ni chuan Accident te chu an awmna area a thil thleng fo a ni tiin ngaih tih ṭhatloh vakna tur a awm lo a ti” tiin TOI te hnenah a hrilh.

District Magistrate lam chuan autopsy report an fiah hnu ah hmeichhe thih chhan hi dawngdah leh ngaihsamna vanga thi a nih chuan a ṭul anga hma an lak ngei tur thu a tarlang.

Nunna chan ta hmeichhia hi Ramwati tia koh a ni. Bilsi area of Badaun district a motorbike hmanga a fapa leh a unau fapa te nen an zin chu lirthei dangin a su. An pathum hian an hliam vek a, a unau fapa hi a dinhmun a ngaihtuahawm zual vangin private damdawiin ah an hruai. Amah leh a fapa erawh community health centre panpui an ni thung a ni.

IT