Mizo Elite News hi ṭha i tihzawng a nih chuan min lo Follow dawn nia

Hmeichhe Naupang Kum 7 Mi Chu Sipai Ten An Kaphlum Leh, Sipai Kuta Nunna Chan Zinga Naupang Ber A Ni

Burma sipai te chuan tawp zai reng rel lovin civilian chungah an duhtawk in an la che zel a, naupang rilru thianghlim leh pawisawilo thlengin an nunna an zuah sak lo.

March 23 Thawlehni khan Mandalay ah hmeichhe naupang kum 7 mi chu Sipai ten an kaphlum tih hriat a ni a, nunna chan ta hi a hming Khin Myo Chit a ni.

Khin Myo Chit unaunu Aye Chan San in Myanmar Now news agency te a hrilh dan in Sipai te hi Thawhlehni khan an chenna in Aung Pin Le ward ah kal in an luhchilh a. An Pa hnen ah in a awm zawng zawng te thu turin an ti. An ni bakah midang awm ve an la awm leh awm loh an zawt a, an awm loh thu in a chhang.

Hetih lai hian Khin Myo Chit hi a pa mal chung ah thu in sipai zinga pakhat chuan apa hian dawt a sawi a tih hnuah thah tuma silai an hmetpuak chu a fanu Khin Myo Chit hian silaimu hi a lo dawng fuh ta a, a pumah kah fuh a ni.

Khin Myo Chit hi Feb 1 atanga Sipai sorkar duhlohna lantira thi zingah a naupang ber nia hriat a ni bawk. Sipai ten an kah hnu hian enkawl tura hruai ni mahse a hliam a nat em vangin a boral. Tin, a ni bakah hian mipa kum 14 mi pawh kahhlum a nih thu hriat a ni.

Rights group Save the Children chuan naupang pawisawilo 20 ai a tam in nunna an chan tawh tih an puang a,Military lam erawh chuan protests a mi 164 chauh an thih thu in an sawi. Mahse hei hi tuman an ringlo. Assistance Association for Political Prisoners (AAPP) activist group lam in thi zat hi a tlem berah 261 an tling tawh an ti thung.