Mizo Elite News hi ṭha i tihzawng a nih chuan min lo Follow dawn nia

Hmeichhe Naupang Kum 6 Mi Chu Pawngsual A Nih Hnuah Rapthlak Taka Thah A Ni

Infiam tura an chenna in a chhuahsan hnu chuan a chanchin hriat zui tur awm lovin a bo nghal a, a chhungte mangang chuan midang punin aurinna loudspeaker hmang te in an puan tir a, khaw mite chuan a zawn hna an thawk zui ta nghal a ni.

Thil thlenna hi Pakistan, Khyber Pakhtunkhwa province a Nowshera ah a ni a, hmeichhe naupang bo hi kum 6 mi Seema tia koh a ni.

A bo aṭang an zawn hnu ah field a ip ah a ruang hi an chhar a, pawngsual a nih hnu ah rawng taka nghaisak a tawrh a vangin a thih phah.

A ruang hi hmuh pawh a hrehawm hle tih an sawi a, a lu leh taksa hmun dang te chu lung a hliam na ni ngeiin a lang bawk a thisen pawh a chhuak nasa hle. Qazi Hussain Ahmed Medical Complex Nowshera ah ruang hi lak a ni phawt. A hnu ah Khyber Teaching Hospital Peshawar ah refer a ni leh.

Doctor ten an enfiah chuan nghaisak tuarna hnu hma a ni ngei tih an sawichiang a, a hmai pawh en tlak loh khawpin a awm. Lung lian tak hmanga vawi tam chhut/den a ni tih Police ten an sawi a ni.

Human rights group Voice of Pakistan Minority te pawh in he hmeichhe naupang chunga thleng rapthlak tak hi Twitter lamah an tarlang ve bawk.

He thu buatsaih lai hian tualthattu misual hi man a nih leh nih loh engmah tarlan a la nilo.

Tun hi Nowshera a a ṭum khat thlenna mai a lo ni tawh lo a. Kumin January pawh khan kum 8 mi hmeichhe naupang chu pawngsual a nih hnuah thah a lo ni tawh bawk a ni.

Gulf News