Mizo Elite News hi ṭha i tihzawng a nih chuan min lo Follow dawn nia

Hmeichhe Naupang Kum 5 Mi Chu Keite In Beiin A Nunna Chan

Kar liam ta Ningani khan northern India ah hmeichhe naupang kum 5 a upa chu a unaupa piancham lawmna birthday party ah keite (leopard) in a bei, a nunna a chan tih hriat a ni.

Thil thlenna hi J&K’s Srinagar hnaih lawk Budgam district ah a ni. Hmeichhe naupang Ada Yasir Mir hi vanduaina thlen hma lawk khan Barbie thuamhnaw in a inthuam a, huan a a kal chu keite hian bei thut in hmun finrial lam a panpui ta a ni.

Keite in a beih hma a Ada in a inkhualna naute lem a ken chu hmuh a ni a, a bul vel ah thisen far a awm. Mahse amah hmuh tur a awm tawh lo. A chhungten theihtawp a zawn hna an thawh hnu ah Zirtawpni khan ram lam hnaih ah chuan a ruang an hmu.

A chhungten chuan an fanu chunga thil thleng hi an tuar tak zet. Tualchhung mite sawidan chuan an chenna hnaih ah hian keite te hi an inlar hmuh a nih zeuh zeuh thu an sawi. Nungcha humhalh pawl wildlife officials te hnenah pawh khaw mite tan a hlauhawm thei tih an hrilh mahse engmah hmalakna a awm chuang lo.

Local area mi cheng Sana Fazili chuan kum in February thla khan authorities te hnen ah heng ramsa te hi a hlauhthawnawm thu an thlen hnu pawn an ngaihsak tha duh lo tih a sawi. Nunna chanta chhungte tawrhpui tur hian mite an pungkhawm nasa hle a ni.