Mizo Elite News hi ṭha i tihzawng a nih chuan min lo Follow dawn nia

Hmeichhe Naupang Kum 4 Mi Ni 18 A Bo Hnuah A Chhungte Nen Him Dam Takin Inhmu Leh

 

Hmeichhe naupang kum 4 lek a upa Cleo Smith chanchin leh a bo dan hian International News te a luah hneh hlawm hle a, chawlhkar 3 dawn chu a lo khuangcher bo hmak a ni.

Cleo Smith hi a chhungte dang nen October 16 ah khan Western Australia a Blowholes Shacks campsite ah camping neiin an chhuak ho a, zan riak in zing an thawhchhuah leh chuan Cleo hi an hmu zo tawh lo.

Zing dar 6 vel ah a chhungte dang hi an harh a, an riahna tent chu a ban phak loh awm ang tur vel ah chuan alo in zip lo. Cleo chu an hmu zo mai bawk silo a, a chhungte a nu leh pa ngaih a tha lo in mangang takin an zawng ruai a ni.

Thuneitu te lam an pun ta hial a, ngawrh taka zawn hna an thawk hnu ah chuan an zawng hmu thei hram. A bo atanga ni 18 a liam tih ah chuan Carnarvon a In pakhat inkalh chhung ah chuan a lo awm a ni.

Zawn hmuh a nihna hi a bo na hmun campsite atang miles 62 a hla ah daih a ni. Hei hian mak tih pawh a hlawh zual. ABC News chuan In awmna hi an chenna atang miles tlem te chauh a nih thu an puang.

Deputy Commissioner Col Blanch chuan va hmu hmasa tu officers chuan pawmkang in tunge a hming tih a zawh chuan Cleo tiin alo chhang a ni. A chhungte be pawp nghal ni in him tak in Cleo hi a chhungte nen an inhmu leh.

Cleo zawnna case ah hian mi 140 zet in hna an thawk tih Police te chuan an sawi a, a bo chungchang information pe thei tu hnen ah Authorities te chuan A$1 million ($743,000) lai lawmman atan pek an lo tiam hial nghe nghe.

Cleo bo chungchanga inhnamhnawih a rubo tu ang a puh mipa pakhat kum 36 a upa chu man ni tawh in Custody ah hren mek a ni tih Police ten Nilaini khan news conference ah an puangzar a, rinhlelh dang neihawm erawh hriat ala nilo. Police chuan thuthar lakhawmtu te hnen ah Cleo hi a taksa pawn langthei lamah pawh pem engmah hmuh a nilo a, damdawiin a endik a nih ah hliam reng a neilo tih an nemnghet bawk.

Investigation hi neih mek zel ala ni a, Australian Prime Minister Scott Morrison meuh pawh in him taka Cleo hmuh a ni chu thu lawmawm tak a nih thu leh an tawngtai chhan na a ni tih Twitter ah a tarlang ve hial a, zawn hna ngawrh taka thawktu Police Officer te fakin lawmthu a hrilh.