Mizo Elite News hi ṭha i tihzawng a nih chuan min lo Follow dawn nia

Hmeichhe Naupang Kum 4 Mi Chu A Pahrawn Kut Tuarin A Thi

Singapore a awm kum 28 a upa Muhammad Salihin chu a fahrawn hmeichhia thihna thubuai ah February 2 khan trail a nei.

Muhammad Salihin hian a nupui fa bik kum 4 leka upa Nursabrina Agustiani Abdullah chu an chenna Bukit Batok ah kut a lo thlak a, a fanu hian a pahrawn kutthlakna tuarchhuak zo lo hian a thih phah ta nia hriat a ni.

Muhammad Salihin hian a fanu hi toilet bowl pawna a zun vangin a thinrim chuan a sawisa. Police statements leh psychiatric interviews ah chuan a fahrawn hmeichhe naupang a tihdan hi a inpuang vek a, a pumah a pet tih a sawi.

Chhuata a awm laiin a pet a,a pum ber chu a tinzawn a ni tih pawh a hrilh, an fanu hian inthiarna a buaina a thlen fo thin vangin zirtirna pek a duh vanga kutthlak hi niin a insawi bawk.

Salihin hian a nupui Syabilla Syamien Riyadi, 24 nen an fanu hi toilet-train neih tha an ti a, pre-school lai a tan tawh dawn vang a ni. Toilet pawn a chhuatah a zun tling a hmuh chuan Salihin hi a thinrim a insum zo lo a, thil thlen lai hian a nupui Syabilla erawh hnathawkin a kal daih.

Toilet hman dan tur a hrilh hnu ah pawh chhuata a la zun fo vangin Salihin hian a fanu pumah vawi 2 lai a pet sak. Zan ah Sabrina hian a pum chu na tiin insawiselna a nei tan a, a luak bawk. Zinglam ah chuan Sabrina hi nikhawhrelo in a lo tlu tawp a ni.

Paramedic lam an thlen meuh chuan Sabrina hi chhan tlak ni tawh lovin thawk pawh a thawk tawh loh bakah a mar phu pawh a awm tawh lo. Ng Teng Fong General Hospital ah a thih thu an puang.

Hospital lam in Police a an thlen hnu ah Salihin hi an man a,autopsy ah chuan Sabrina hi sawisak a tawrhna lamah internal bleeding vanga thi a ni. Salihin hi hei chauh thubuai a neihna a ni tawh lo. July leh October 2017 inkar khan a fahrawn hi tuiso in a lo tikang tawh a,January leh April 2018 inkar khan chhuatah a lu alo tauh tir tawh tih hriat a ni leh zel. A thil tih vang hian damchhung tang tura hremna pek a phu a ni.